Saturday, 11 May 2019

ማኅበራዊ ፍትሕን ለማስፈን እንረባረብ!



ግንቦት 1 ቀን 2011 ዓ/ም! ኢትዮጵያ ውስጥ ያሉ ተፎካካሪ የፖለቲካ ፓርቲዎች ቁጥር ከ107 ወደ 100 ወረደ.። የቀድሞ ሰባት ፓርቲዎች ራሳቸውን ሰውተው (አክስመው የሚለው ጥሩ ቃል አይመስለኝም) የኢትዮጵያ ዜጎች ለማበራዊ ፍት(ኢዜማ) የተሰኘ ብሔራዊ ፓርቲ መስረተዋል። የኢዜማ አመሰራረትና አቋም ቀልብ ይስባል! አንደኛ ከወረዳ የመነጨ የአባላት መሠረት አለው። ሁለተኛ የአመራር አባላት በምርጫ ተሰይመዋል። ሦስተኛ ፕሬዚዳንታዊ ሥልጣንን ለመመለስ ይሠራል። አራተኛ ትክክለኛ የፌደራል አወቃቀርንም ይከተላል። አምስተኛ ብሔራዊ የፖለቲካ ቁመና ይኖረዋል። ባጠቃላይ ሲታይ ለብዙ ጊዜ ግንባር፣ መድረክ፣ ኅብረት፣ ቅንጅት፣ ንቅናቄ፣ ወዘተ በሚሉ እንቅስቃሴዎች ሲቃኝ የነበረው ባተሌው ፖለቲካችን ቢያንስ አዲስ ስምና ርዕይ ይዞ መጥቷል። ይህን እውን ለማድረግ ርብርብ ያደረጉ ኢትዮጵያውያን በሙሉ ከልብ ሊመሰገኑ ይገባል። እንኳን ደስ አላችሁም ልንላቸው ይገባል!

Saturday, 26 January 2019

የተማረ ይግደለኝ! ዩኒቨርስቲዎቻችንን በጨረፍታ


ከሦስት ሳምንታት በፊት ከለውጡ ጋር መደመሬን ለራሴ በራሴ ለማረጋገጥ ኢትዮጵያ ሄጄ ነበርበነበሩኝ አራት መናጢ አጫጭር ቀናት ለዓመታት ያላየኋቸውን ቦታዎች ተዘዋውሬ ጎበኘኋቸው። አዲስ አበባ እንደተባለውም ድንገት ከእንቅልፏ ተነስታ ራሷን በመገንባት ላይ ያለች ትመስላለች። ረጃጅም ሕንጻዎች በሁሉም የመዲናይቱ ክፍሎች ተገትረዋል። ገና ያላለቁ ጅምር ሕንጻዎችና በውስጣቸው ምን እንደያዙ የማያሳዩ የታጠሩ ቦታዎችም እንደ ልብ ይታያሉ። እነዚያ የምናውቃቸው ሰፋፊ መንገዶች በባቡሩ መስመር የተነሳ ተለዋውጠዋል። የቆየ ውበታቸው ከስሟል። የባቡሩን ሀዲድ ግራን ቀኝ አቅፈው የያዙ ከፍታ ያላቸው አስቀያሚ ብረቶች የከተማዋን ውበት ለመሻማት ቆርጠው የተነሱ ይመስላሉ።  መንገድ ለማቋረጥም እቅድ ያስፈልጋል። የሆቴሎች፣ የሬስቶራንቶች፣ የካፌዎች፣ የሞቴሎችና የባሮች ብዛት አስገራሚ ነው! የኑሮው ውድነት አይጣል ነው። መሳደብ መሸነፍ ነው! መግደል መሸነፍ ነው! ዘረኝነት መሸነፍ ነው! ኢትዮጵያ ለዘላለም ትኑር! ዐቢይ መሲህ ነው! ወዘተ የሚሉ መፈክሮችን ከታክሲዎችና ከግንቦች ላይ አነበብኩ።

Saturday, 24 November 2018

ብሔራዊ መግባባትና እርቅ ለኢትዮጵያ: ጥናታዊ ጽሑፍ


ሰሞኑን እንደሰማነው ከሆነ ብሔራዊ መግባባትንና እርቅን ሊያስተባብር የሚችል አካል እንዲቋቋም የሚያስችል ረቂቅ ሰነድ ለፓርላማ ተመርቷል:: ክቡር ጠቅላይ ሚኒስትር ዶ/ር ዐቢይ ዋና ዋና ወንጀሎችን ለሕግ እያቀረቡ ሌላውን ተቆጥሮ ተዘርዝሮ የማያልቀውን በደልና ግፍ ግን በእርቅ መጨረስ እንደሚያስፈልግ እንደሚሻልም ጠቁመዋል:: የኢትዮጵያ ሕዝብ እጅግ ሃይማኖተኛ ስለሆነና የዳበሩ የእርቅ ባህሎች ባለቤትም ስለሆነ እርቅ ብዙ ላይከብደው ይችል ይሆናል:: በግለሰብ ደረጃ  ነፍስ የተጠፋፉ ሰዎች እንኳን ከልብ ይቅር ይባባላሉ::  ውድ የቤተሰባቸውን አባል ከገደለው ሰው ጋር አብረው ለመኖር የሚያስችል አስገራሚ ልብ ያላቸው ብዙዎች አሉ:: በመሆኑም የሚቋቋመው የእርቅ ኮሚሽን ሃይማኖታዊና ባህላዊ እሴቶቻችንን አሟጦ በመጠቀም መግባባትን ከዚያም እውነተኛና ዘላቂ እርቅን ማምጣት ይችላል:: ብሔራዊ እርቅ የሚበረታታና ሁሉም ኢትዮጵያዊ በጉጉት የሚከታተለው የሚያስፈጽመውም ጉዳይ ቢሆን መልካም ነው::   

Thursday, 22 November 2018

በማጭበርበር ያልተነካካ ማንም የለም!


ካይሮ በሚገኘው የአሜሪካን ዩኒቨርስቲ የተለመደ ሥራዬን ለማከናወን ወደ መማሪያ ክፍሉ እንደገባሁ «ፕሮፌሰር እንኳን ደስ አለህ!» አለች በእድሜ ጠና ያለችው ታታሪ ተማሪዬ! «ሴት ፕሬዚደንት አገኛችሁ» አለች አከታትላ ምላሼንም እንኳን ሳትጠብቅ። «በጣም አመሰግናለሁ ብዬ ሳልጨርስ ወጣ ያለ ባህርይ ያለው ተማሪዬ «ግን እኮ ቦታው ሴረሞኒያል ብቻ ነው አለ ለስለስ ባለ ድምጽ። «ቢሆንስ? ታውቃለህ? አፍሪካ ውስጥ ሁሉም ሥልጣን ሴረሞኒያል ነው። ባይሆንማ ለውጥ በታየ ነበር» አለች ሌላዋ ተማሪ የመናደድ ምልክት እያሳየች! «ግን ሴረሞኒያል ቢሆንም ብዙ መሥራት የሚቻልበት ሥልጣን ነው! ለሴቶች ሁሉ ብዙ አንድምታዎችም አሉት በማለት ዘለግ ያለ ትንተና ሰጠች መጀመሪያ ጉዳዩን ያነሳችው። 

Sunday, 7 October 2018

ኢሕአዴግ በቀጣዩ ምርጫ ያሸንፋል?


መቅድም
ሀዋሳ በተካሄደው የኢሕአዴግ 11ኛ ጉባኤ ዶ/ር ዐቢይ ከ177 ድምጾች ውስጥ 176ቱን በማግኘት የኢሕአዴግ ሊቀ መንበርነታቸውን አስጠብቀዋል። ዶ/ሩ እንደሚያሸንፉ ብዙ ኢትዮጵያውያን ሲገምቱ ነበርና ውጤቱ ብዙም አላስደነቀም። የእርሳቸውን ያህል አቅምና የሞራል ልዕልና ያለው ሰው እስካሁን ድረስ ከኢሕአዴግ ውስጥ አላየንምና! ይልቁንስ ብዙ ያወያየ የምክትሉ የአቶ ደመቀ ጉዳይ ነበር። እርሳቸውም 149 ድምጽ በማግኘት ወንበራቸውን አስጠብቀዋል። ምርጫውን ተከትሎም የኢትዮጵያን ሕዝብ በላቀ ደረጃ ለማገልገል እንደተዘጋጁ ሊቀ መናብርቱ ተናግረዋል። በተለይም ተፎካካሪ ፓርቲዎች ካሁኑ ማንነታቸውንና ምንነታቸውን ፈትሸው ካልተደራጁ በቀጣዩ ምርጫ በኢሕአዴግ ሊሸነፉ እንደሚችሉ ዶ/ር ዐቢይ አጽንዖት ሰጥተው ተናግረዋል። ይህ ትልቅ ጉዳይ ነው! በርካታ ጥያቄዎችን እንድናነሳ ይጋብዘናል። ለመሆኑ ከዚህ ንግግር በስተጀርባ የተቀመጡ መላምቶች ምንድን ናቸው? በውኑ ዶ/ሩ እንዳሉት ኢሕአዴግ እንደ ፓርቲ በቀጣዩ ምርጫ ያሸንፋል? ይህ ጽሑፍ በነዚህ ጉዳዮች ላይ ያተኩራል። ዓላማውም ኢሕአዴግ  በቀጣዩ ምርጫ እንደሚያሸንፍ ወይም እንደማያሸንፍ በእርግጠኝነት ለመናገር ሳይሆን መሪዎች የሚናገሯቸውን ንግግሮች ሁሉ እንደወረደ ከመውሰድ ተቆጥበን ጉዳዮችን ሁሉ በአንክሮ መመርመር እንደሚገባን ለማመላከት ነው።         

Tuesday, 11 September 2018

ይናገራል ፎቶ: ኢትዮጵያ ትናንት ዛሬና ነገ


በዘመነ ኢሕአዴግ/ወያኔ ኢትዮጵያውያን ብዙ ተግዳሮቶችን ሲጋፈጡ ኖረዋል:: ባለፈው 2010 ዓ/ም ጽዋው ሞልቶ ግፍና መከራ የሚያበቃበት ምዕራፍ በሕዝብ ትግል ተከፍቷል:: /ር ዐቢይ አህመድ ጠቅላይ ሚኒስትር ሆነው ከመመረጣቸው በፊትና በኋላ ያለውን ክስተት ሁሉ የሚዘግቡ በርካታ መጽሐፍት ሊዘጋጁ ይችላሉ:: ይሁንና በይፋ የሚታወቁ ክስተቶችን አንስቶ መወያየት ብዙም አያስቸግርም:: ባለፈው ዓመት የተከሰቱና ወደፊትም ሊከሰቱ የሚችሉ ጥቂት አስተሳሰቦችንና ድርጊቶችን በፎቶ ወይም በሥዕል መግለጽ ይቻላል:: ይናገራል ፎቶ ይባል የለ! ለእይታ ይመች ዘንድ ሁለት የጊዜ ወሰኖችን ለይቻለሁ:: ጠቅላይ ሚኒስትር ኃይለ ማርያም ጡረታ እስከወጡበት ድረስ ያለውን የመንግስት አስተሳሰብና የተፈጸሙትን ግፎች በመጀመሪያ ደረጃ በሥዕል ለማሳየት ሞክሬያለሁ:: ይህንም  ከለውጥ በፊት ብዬ ሰይሜዋለሁ:: ሁለተኛው ክፍል ደግሞ ኃይለ ማርያም ጡረታ ከወጡበት ጀምሮ ያለውን ሂደት ያመላክታል:: በተለይም ዶ/ር ዐቢይ አህመድ ጠቅላይ ሚኒስትር ሆነው ከመመረጣቸው በፊት የነበረውን ጥቂት ጊዜና እስካሁንም ድረስ ያለውን ያካትታል:: ይህንም ከለውጥ በኋላ ብዬ ሰይሜዋለሁ::
  

Wednesday, 1 August 2018

የቅዱስ ሲኖዶስ አንድነት ታወጀ!


የኢትዮጵያ ኦርቶዶክስ ተዋሕዶ ቤተ ክርስቲያን 2ኛው ዙር የሰላምና የአንድነት ጉባኤ 24 አባላት ያሉት ጠቅላላ ጉባኤ 12 አባላት ያሉት ሥራ አሥፈፃሚ አባላትና 6 አባላት ያሉት ጽ/ቤት አዋቅሮ የቅዱስ ሲኖዶስን አንድነት ለማምጣት ከአንድ ዓመት ተኩል በላይ ጥሯል፡፡ ዓላማውን ለማሳካት በሰሜን አሜሪካ፤ በአውሮፓና በኢትዮጵያ ቅርንጫፍ ኮሚቴዎችን አቋቁሟል፡፡ በአሜሪካና በአውሮፓ ያሉ አብያተ ክርስቲያናትና ምእመናን ከፍተኛ ድጋፍ ሰጥተዋል፡፡ የእግዚአብር ፈቃድ ሆኖ ሁለቱ የኢትዮጵያ ኦርቶዶክስ ተዋህሕዶ ቤተ ክርስቲያን ሲኖዶሶች አንድነት እንደመሰረቱ ለ2ኛው ዙር የሰላምና የአንድነት ጉባኤ አባላት ሐምሌ 16 ቀን 2010 ዓ/ም ዋሺንግተን ዲሲ በሚገኘው ምተን ኢን ሂልተን ሆቴል ተበሰረ፡፡

ማኅበራዊ ፍትሕን ለማስፈን እንረባረብ!

ግንቦት 1 ቀን 2011 ዓ / ም! ኢትዮጵያ ውስጥ ያሉ ተፎካካሪ የፖለቲካ ፓርቲዎች ቁጥር ከ107 ወደ 100 ወረደ.። የቀድሞ ሰባት ፓርቲዎች ራሳቸውን ሰውተው ( አክስመው የሚለው ጥሩ ቃል አይመስለኝም ) የኢ...